好耐都冇同一家人去玩喇,識逢老公個同事識人起廸士尼度做,所以就趁哩個機會一家人去玩下....加上,哩個廸士尼有我爸爸份建築,而且佢地又未入過去玩,所以佢地應該好想入去行下既,回味一番,哈哈!!!
約好左10:30點飲茶,而我都唸住早少少落去青衣城拎位...點之,9點鐘阿媽就打來話阿爸已經落左去拎位喇....超早,話怕冇位wor ^.^' 飲左2幾個鐘,叫左好多野食後就出發lu.....今日天氣都好好,不過又d 熱呀......約左個朋友12點幾去門口等,1點左右就入左去喇 , 個個都好開心咁~~

第一個玩既game 係巴斯光連,阿爸阿媽開頭都唔識射既,跟住射射下就知道點玩,最後仲話要玩多次tim, 玩多次後,竟然係阿媽最高分呀, 有2十幾萬分呀 ,勁!!!而我就得幾千分呢 =.=' 好多game 都可以一家人玩既,不過過山車就唔比佢地2個玩啦.....其實我都唔係好敢玩呀,因為上次同老公玩哩個game,玩到我好暈又想嘔,不過今次咁高興,所以就同家姐細佬好玩啦,呵呵!!今次冇嘔,只係有d頭暈,不過好快就冇事lu, hoho!!!

我地差唔多game 都玩曬(差一個士廸仔冇睇),晚上仲睇埋煙花tim !!真係好開心,好似細細個時成家去荔園玩咁..不過今次係我地帶父母去,而唔係佢帶我地去 ^^ 真係好享受一家人一起既時候....我愛你們!!! ^^

自從公司冇左個大客後,工作量真係好少 ! 每個月除左月頭果幾日, 每個星期既2-3日係busy d 外,其他既日子真係冇咩野做,超級悶..........日日剩係起度玩facebook d game, 又要玩得唔見得光wor, 因為怕比阿姐同老闆見到 !!!

雖然少左野做表面上係好好咁,不過唸深一層真係未必係一件好事. 因為再咁樣落去,公司可能又會炒人,而且咁樣付到我覺得返工既時間好難挨~~~

好希望公司多返個大客啦,咁樣就唔怕冇野做,又可以年尾有花紅 !! 最重要係我會覺得返工過得充實d , 生活得有意思d !!! ^^

識逄剛剛過左結婚2周年既大日子,我地哩班 527 既靚太就約出來食個飯,傾下當日點慶祝同聚聚舊^^
今次gathering 既地點係位於tst 既老飯店,係食上海野既 !! 其實本來佢地提意去食日本放題,我都好想好想食ga,不過最衰我前排勁濕毒,爆左幾十粒豆豆出來 >. 大家約左7點食,不過7點仲未齊人...因為有2位靚太塞車~~ 今日susanna 仲帶埋bb 女來,bb 女都係咁得意...不過就瘦左dd 啦,真係要食多d 野喇 ^^' 哩度d 野食真係幾好食,有樣食唔知叫咩名,真係好食到不得了, 咁大個女真係大第一次 ,hehe~~
今次仲有個好消息tim ...........就係有位靚太有左3個月bb 喇.....真係弓喜弓喜!! 不過記得要介口喇 ^^

唔覺唔覺又結婚第2年LU.....連我身邊既屋企人&朋友都覺得好似唔發生冇耐既事,咁快就2年喇咩 ?! 哈哈 !!!
今年因為係平日,又要返工, 所以冇咩特別點樣過.......只係收左工就去outback 度食dinner......至於禮物方面,其實早一個月前已經送左啦,我起uk e-bay 度買左對converse 比佢, 而佢就送左部電話比我 (連埋生日禮物 =.=')
其實禮物對我來講真係唔重要,只要老公對我好好,愛我.....就得ga la!!! 呵呵~~
2 周年快樂!!!

早前已經知道左公司第2個大客 expeditors哩間公司唔比我地再做,因為下下要求我地公司減價,不過再減跟本就冇得賺,仲會蝕tim, 所以老闆唯有唔在做佢喇.......
由我入職時,哩個大客就arm arm 比我地公司做,做左7年....愈做愈大,仲請左好多人去做......所以今次冇得做,好多同事都冇野做啦....................公司唯有再殺多一批人, 唉~
今次裁左幾十個員工,有d 仲要係我識既,做左咁多年同事,見佢地一個一個咁走,真係好失落,無奈.....繼上次裁左2個好同事,今次仲要走多一個喇.....個心真係超唔開心,由佢當初入職跟到我依家,雖然時間都唔係好長,3年多.....但係我已經當左佢係細妹咁 !! 哩3年幾,大家相處得都好開心,大家有咩心事都會互相傾訴.....可惜依家.....唉~
18號係佢既 last day,其實早幾日知佢被裁時,已經好唔開心 ,不過起佢面前又要扮冇野,因為唔想佢唔開心,想佢可以開開心心留下最好既回憶........不過我最後都做唔到,同佢一起收工時,我真係忍得好辛苦,好想喊......死忍..........就係咁,就唔知幾時再可以見到佢喇..........
幸好,佢bf 個朋友介紹左份工比佢,佢都開始返新工喇............... 希望佢做得開心d ,搵日約埋winnie 出來食飯,大家再癲一餐~~~ ^^

終於上來寫blog 啦...........成個幾月都冇上來啦,因為我實在太lazy 喇,得閒既時候寧願上facebook 打機, hehe!!最近成日玩 facebook 既 farm town , resturant city, 日日玩,密密玩, 好似痴左線咁,唔玩唔安落咁 !!!
加上最近冇咩特別野發生,生活好平淡.....真係唔知寫咩好~~anyway,我都希望唔會 stop 左個blog, 希望比多d 時間去分享我既野比大家知啦, hoho~~

今年清明節冇跟6299返大陸, 結左婚2年lu...都應該要返去拜下d 祖先既~ 可惜清明點解要係月頭ga?! 我月頭係超超超busy, 點可能拎到大假返大陸呢~~ 所以希望謝家既祖先們唔好怪我啦.....希望下年or 再年可以返到啦!!!

今日老公冇放假,咁arm 細妹今日off, 所以就約左佢去葵芳既美食嘉年華啦 !!! 第一年起葵芳攪, 感覺好攪笑~~ 因為個埸地唔大,而且又好似好緊張咁,出動左好多警察.........11點就開門,而我同阿妹就11點多d 去到, 真係幾多人wor.....排左幾個字除先入到去.......

入到去, 冇咩特別野買,好似小型既工展會咁lo.......... 行左個幾2個鐘,買左少少野....仲食左個花膠翅,哈哈~~~ 因為都幾熱下,所以都唔行咁耐lu.......加上阿妹又要返2點,so 行完食完就走lu..............大至上消磨下時間都幾好既,hehe!!

拎左2大袋野,好重......返到屋企樓下又要買餸,因為今晚細佬過來食飯.......2隻手拎左幾袋野,超級重呀 >.

食飽飽後就睇下電視,玩下老公最近買既相機.... 到左10點半左右,佢就返屋企lu, 而我地就訓覺lu...........好充實既一日!!!

同老公拍拖開始,我地每一年都會去一次旅行既......去過既地方有北京,台灣.東京,大阪,仙台,九寨溝同埋今次既泰國.........
今次同以往一樣,都係join 團去,因為唔使煩,而且第一次去都係join 團會好d 既~~ 而我地就join 左康泰,因為之前join過都覺得幾好^^
18號出發,早上4點幾就起身喇,因為坐8:15機,要6點到機場.........坐左2個鐘頭10分鐘就到達lu........第一個目的地就係去夢幻樂園玩,好hot 呀.......... 食完buffet 就自由活動,因為蠍hot 既關係,我地都冇玩機動遊戲,剩係行下,影下相......玩d 冇咁激既野lo~~ 玩左2個鐘左右就走啦............... 晚上食完buffet, 就自費去左睇真人show, 嘩!!! 真係好sexy 呀,呵呵,咩都睇曬...好激!!! 之後仲去埋做香薰按摩,$5xx 做2個鐘,擇左honeymoon 房,都好舒服.....正~~~

第2日, 早上出海,好好天...........水清沙幼,第一次同老公出海玩jer......我唔識游水,不過因為d 水都好淺下,so 行出水既中心,呵呵......扮識游水lo ,hehe~~ 玩左成個早上..........下午就去左做泰式按摩.都ok 舒服啦 ^^

第3-4日.....唔記得太清楚d 行程喇.....不過有一晚係去睇人妖show, d 人妖真係好靚....一d 都唔似男人, 不過開口講野就嘔喇~~哈哈!!

第5日, 去左8x層樓食完buffet 就搭5點幾機返hk 啦......今次既旅程都好開心^^ 估唔到泰國都幾好玩ga bor,不過就熱左d lor ,hehe!!!

弓喜!!弓喜!!今日就係梁生梁太既大日子, 祝頭年好合,永結同心!!!

今早好早起身呀,5點半就起左裝身,執冰.....6點鐘出發去阿媽度,唔使10mins 就到達啦 ^.^ 去到見到巧英同阿妹化緊妝&set頭,素如又好早已經到左........見到家姐著住件睡衣走來走呀,哈哈! 食左件西餅....幫阿媽搣蛋殼........終於到我化妝lu.....wa,估唔到我短既頭髮都可以set 到頭,仲好靚呀 ^^ 1 mua + 2 助手 ,可能助手係新手d 啦,所以比預期既時間慢左d~~
家姐化完妝&set 頭後,就換褂...好靚女呀!!!
10點多d 就開始接新娘,玩game 啦.........d game 比預期既簡得,可能兄弟們唔合作啦,冇跟足指示玩....所以好快玩完d game...冇咩高潮....... 姐夫今日真係好好彩,一擇就擇左家姐條絲帶, 呵呵~~~ 早上就開心地完結喇!!



到左中午,我同老公落左樓下飲茶,因為阿爸阿媽&親戚們話留起屋企食甜粥,蛋&西餅就得.....我地2個人叫左幾多野食,因為早上冇咩點食,而且唔知要挨到幾點先有野,so 食得好飽 ^^ 食完野就返去........1點多d 就出發去tst 註冊處(2 in 1)......早到左,男家d 人全部都未到........ 到左2點就開始入場坐喇, 個場都ok 靚喇~~ 家姐著左婚紗仲靚 ,hehe!!! 行完禮就影相.......影下外景...........3點半就出發去酒樓lu.....



新世紀皇庭!! 個場既報置都靚,可惜個場細左d, 而且係長形....so 就差少少lo!!! sister 們開始化妝set頭,而我仲換左條藍色晚裝,真係同我d 指甲襯到絕呀,連個妝都係藍色,good!!! 今晚我既工作係編排坐位,執頭執尾......個個都走來問我野,好似話曬事咁,kaka!! 人愈來愈多....好多人見到我地3姊妹都話好似樣,sis 有d既同事更認錯tim,hehe!!! 排位真係幾煩下, 男家見左成圍幾人......唯有女家比d 位佢地坐啦...........

8:30, 一切攪掂曬, 新娘子入房換衫啦....而我都可以安安落落地坐低......到左9點正式開始!!! 首先係播放細個片段,播下播下, 睇返一幕幕細個既片段,真係好懷念...果一刻真係好感動....開始想喊了.......死忍.......... 終於播完喇!!! 新人進場,見到家姐真係好靚,姐夫真係執到寶啦!!!! 新人致謝時,姐夫既謝詞好好,講到家姐真係忍唔住喊左出來......到佢講時,更加收唔到聲,多謝父母....." 成日都驚我食唔飽,著唔暖...." 好好好認同........媽媽喊了....爸爸死忍.....我都喊了......超級感到,超級唔捨得...................

今晚送左一份禮物比家姐,就係一個電台點唱.........佢地事前唔知道ga~~ 所以都可以話好特別下.............播完後,點知個錄影師行過來問我係唔係我點比家姐聽既,我話呀...原來佢話我知家姐比我整喊左wor.....果然係一份好好既禮物送比佢啦 ^^


就係咁,成日好開心咁過去左啦..........今日我覺得好開心,亦都唔捨得佢嫁左咁遠.....anyway,希望我地既姊妹情永不變啦 ^^

時間真係過得超快,家姐既婚禮足足準備左成年幾,終於來臨喇 !!!!

3月14日 , FANNY WOO 同 TERRY LEUNG 既大日子!! 正式可以成為梁太 lu......真係弓喜曬佢地呀, 祝佢地百年好合,永結同心,早生貴生~~~

雖然起哩段時間入面,佢面對左好多唔開心既野,不過攪結婚係咁ga la, 會多d argue 既...不過過左就會冇事ga la!!! 其實你嫁得咁遠,我地真係好唔捨得 ga..... 見你既機會真係好少呢~~希望你到時會返來多d !!!

anyway........... 你要做個好好既老婆, 希望 terry 會對你好好呀,有個幸運既家庭 ^^